വടകര: പുത്തൂര്‍ ഗവ. ഹയര്‍ സെക്കന്‍ഡറി സ്‌കൂളില്‍ രണ്ടു ദിവസമായി നടന്നുവന്ന വടകര ഉപജില്ലാ ശാസ്ത്രമേള സമാപിച്ചു. മേളയില്‍ ഹയര്‍ സെക്കന്‍ഡറി വിഭാഗത്തില്‍ പുതുപ്പണം ജെ.എന്‍.എം.ജി.എച്ച്.എസ്.എസും ഹൈസ്‌കൂള്‍ വിഭാഗത്തില്‍ സെന്റ് ആന്റണീസ് ഗേള്‍സ് ഹൈസ്‌കൂള്‍ വടകരയും ജേതാക്കളായി. ഹയര്‍ സെക്കന്‍ഡറി വിഭാഗത്തില്‍ കെ.എം.എച്ച്.എസ്.എസ് കോട്ടക്കല്‍, ജി.എച്ച്.എസ്.എസ് പുത്തൂര്‍ എന്നിവ യഥാക്രമം രണ്ടും മൂന്നും സ്ഥാനം കരസ്ഥമാക്കി.
ഹൈസ്‌കൂള്‍ വിഭാഗത്തില്‍ ജി.എച്ച്.എസ്.എസ് പുത്തൂര്‍ രണ്ടാം സ്ഥാനവും ജെ.എന്‍.എം.എച്ച്.എസ്.എസ് പുതുപ്പണം മൂന്നാം സ്ഥാനവും നേടി. യു.പി വിഭാഗത്തില്‍ സെന്റ് ആന്റണീസ് ജി.എച്ച്.എസ്.എസ്, മേപ്പയില്‍ എസ്.ബി.സ്‌കൂള്‍, എസ്.ജി.എം.എസ്.ബി സ്‌കൂള്‍ എന്നിവ യഥാക്രമം ഒന്നും രണ്ടും മൂന്നും സ്ഥാനങ്ങള്‍ നേടി. എല്‍.പി വിഭാഗത്തില്‍ എസ്.പി.എച്ച് വിലാസം ജെ.ബി സ്‌കൂള്‍ ഒന്നാം സ്ഥാനവും എസ്.ജി.എം.എസ്.ബി സ്‌കൂള്‍, സെന്റ് ആന്റണീസ് ജെ.ബി സ്‌കൂള്‍ എന്നിവ യഥാക്രമം രണ്ടും മൂന്നും സ്ഥാനം നേടി.
ഗണിതശാസ്ത്ര മേളയില്‍ എച്ച്.എസ്.എസ് വിഭാഗം ഗവ. സംസ്‌കൃതം ഹയര്‍സെക്കന്‍ഡറി സ്‌കൂള്‍ ഒന്നാം സ്ഥാനവും ഹൈസ്‌കൂള്‍ വിഭാഗത്തില്‍ ജെ.എന്‍.എച്ച്.എസ്.എസ് പുതുപ്പണവും യു.പി വിഭാഗത്തില്‍ എസ്.ജി.എം.എസ്.ബി വടകരയും എല്‍.പി വിഭാഗത്തില്‍ തൊണ്ടികുളങ്ങര എല്‍.പിയും ജേതാക്കളായി.
സാമൂഹ്യശാസ്ത്ര മേളയില്‍ എച്ച്.എസ്.എസ് വിഭാഗത്തില്‍ പുതിയാപ്പ് ഗവ. സംസ്‌കൃതം ഹയര്‍ സെക്കന്‍ഡറി സ്‌കൂളും, ഹൈസ്‌കൂള്‍, യു.പി, എല്‍.പി എന്നീ വിഭാഗങ്ങളില്‍ സെന്റ് ആന്റണീസ് ജി.എച്ച്.എസ് വടകരയും ജേതാക്കളായി.
ഐ.ടി മേളയില്‍ ജെ.എന്‍.എം.എച്ച്.എസ്.എസ് പുതുപ്പണവും ഹൈസ്‌കൂള്‍ വിഭാഗത്തില്‍ സെന്റ് ആന്റണീസ് ജി.എച്ച്.എസ് വടകരയും യു.പി വിഭാഗത്തില്‍ മേപ്പയില്‍ എസ്.ബി സ്‌കൂളും ജേതാക്കളായി.
സമാപന സമ്മേളനത്തില്‍ എ.ഇ.ഒ വേണുഗോപാല്‍ സമ്മാനദാനം നിര്‍വഹിച്ചു. ഹെഡ്മിസ്ട്രസ് എം.ഇ സരസ്വതി അധ്യക്ഷയായി.
പ്രിന്‍സിപ്പല്‍ പി. സലില്‍, വി. രമേശ് ബാബു, പി. സോമശേഖരന്‍ സംസാരിച്ചു.