കോഴിക്കോട്: സമസ്ത കേരള സുന്നി ബാലവേദി ജില്ലാ കമ്മിറ്റി സംഘടിപ്പിക്കുന്ന ലീഡേഴ്‌സ് ക്യാംപ് ഇന്നു കൊയിലാണ്ടി മാടാക്കര മുഹമ്മദിയ സെക്കന്‍ഡറി മദ്‌റസാ ക്യാംപസില്‍ നടക്കും.
രാവിലെ ഒന്‍പതിനു സ്വാഗതസംഘം ചെയര്‍മാന്‍ പി.വി ഹംസ പതാക ഉയര്‍ത്തുന്നതോടെ പരിപാടിക്കു തുടക്കമാകും. എസ്.കെ.ജെ.എം ജില്ലാ പ്രസിഡന്റ് കെ.കെ ഇബ്രാഹിം മുസ്‌ലിയാര്‍ പ്രാര്‍ഥന നടത്തും. സൈനുല്‍ ആബിദീന്‍ തങ്ങള്‍ ഉദ്ഘാടനം ചെയ്യും. അശ്‌റഫ് മലയില്‍ ക്യാംപിനു നേതൃത്വം നല്‍കും. നാസര്‍ ഫൈസി കൂടത്തായി, സലാം ഫൈസി മുക്കം, ടി.വി.സി അബ്ദുസ്സമദ് ഫൈസി, പി. ശബീര്‍ റഹ്മാനി പ്രഭാഷണം നടത്തും.
ഉച്ചക്ക് 12നു നടക്കുന്ന ജില്ലാ കൗണ്‍സിലില്‍ പി. ഹസൈനാര്‍ ഫൈസി അധ്യക്ഷനാവും. സംസ്ഥാന ജനറല്‍ സെക്രട്ടറി ശഫീഖ് മണ്ണഞ്ചേരി ഉദ്ഘാടനം ചെയ്യും. പുതിയ കമ്മിറ്റി തിരഞ്ഞെടുപ്പിനു സാജിര്‍ കൂരിയാട് നേതൃത്വം നല്‍കും.
ഹാമിസുല്‍ ഫുആദ്, വി.ആര്‍ മുഹമ്മദ് ഹസ്സന്‍ ജിഫ്‌രി, മുനീബ് പേരാമ്പ്ര, ശമീര്‍ തോടന്നൂര്‍, സി.വി മുഹ്‌സിന്‍ ഓമശ്ശേരി, പി.പി ഫാഇസ് മാടാക്കര, കെ.കെ തന്‍വീര്‍, സി.പി.എ സലാം മൗലവി പ്രസീഡിയം ക്യാംപ് നിയന്ത്രിക്കും.