തിരുവനന്തപുരം: കേന്ദ്ര-സംസ്ഥാന സര്‍ക്കാര്‍ സ്വീകരിച്ചുവരുന്ന കര്‍ഷകവിരുദ്ധ നടപടികളില്‍ പ്രതിഷേധിച്ചു സ്വതന്ത്ര കര്‍ഷകസംഘത്തിന്റെ നേതൃത്വത്തില്‍ എട്ടിനു രാവിലെ 10ന് സെക്രട്ടേറിയറ്റിന് മുമ്പില്‍ കര്‍ഷകസംരക്ഷണ സദസ് സംഘടിപ്പിക്കുമെന്നു ഭാരവാഹികള്‍ വാര്‍ത്താസമ്മേളനത്തില്‍ പറഞ്ഞു.
പ്രതിപക്ഷ ഉപനേതാവ് പി.കെ.കുഞ്ഞാലിക്കുട്ടി ഉദ്ഘാടനം നിര്‍വഹിക്കും. മുസ്‌ലിംലീഗ് സംസ്ഥാന ജനറല്‍ സെക്രട്ടറി കെ.പി.എ. മജീദ് പ്രസംഗിക്കും. നാളീകേരം, നെല്ല്, റബര്‍ എന്നിവയുടെ സംഭരണം, കര്‍ഷക പെന്‍ഷന്‍ എന്നീ കാര്യങ്ങളില്‍ സര്‍ക്കാര്‍ പരാജയപ്പെട്ടതായി ഭാരവാഹികള്‍ ആരോപിച്ചു.