തിരുവനന്തപുരം: സമസ്ത 90-ാം വാര്‍ഷികത്തിന്റെ തുടര്‍ച്ചയായി നടപ്പില്‍ വരുത്തുന്ന പദ്ധതികള്‍ വിശദീകരിക്കുന്നതിനും സംഘടനാ പ്രവര്‍ത്തനം ശക്തിപ്പെടുത്തുന്നതിനും വേണ്ടി നേതൃസംഗമം നടത്തുന്നു. 

കന്യാകുമാരി, തിരുവനന്തപുരം, കൊല്ലം തുടങ്ങിയ ജില്ലകളുടെ ദക്ഷിണ മേഖലാ നേതൃസംഗമം 25 ന് രാവിലെ 10 മുതല്‍ തിരുവനന്തപുരം പ്രസ് ക്ലബിന് സമീപമുള്ള അധ്യാപക ഭവന്‍ ഓഡിറ്റോറിയത്തില്‍ നടത്തും. സമസ്തയുടെയും കീഴ്ഘടകങ്ങളുടെയും സംസ്ഥാന നേതാക്കള്‍ സംബന്ധിക്കും. സമസ്തയുടെയും പോഷക സംഘടനകളുടെയും തിരുവനന്തപുരം, കന്യാകുമാരി, കൊല്ലം ജില്ലാ കൗണ്‍സില്‍ അംഗങ്ങളും റെയ്ഞ്ച് ജംഇയ്യത്തുല്‍ മുഅല്ലിമീന്‍ ഭാരവാഹികളും പ്രധാന പ്രവര്‍ത്തകരുമാണ് പങ്കെടുക്കേണ്ടത്.