ഉദ്ഘാടനം ചെയ്തുചേര്‍ത്തല: അര്‍ത്തുങ്കല്‍ കെ.സി.വൈ.എം സെന്റ് ജോര്‍ജ് യൂണിറ്റിന്റെയും ചേര്‍ത്തല യുവര്‍കോളേജ് സോഷ്യല്‍ സര്‍വീസ് വിംഗിന്റെയും സംയുക്താഭിമുഖ്യത്തില്‍ ജനമൈത്രി പോലീസിന്റെ സഹകരണത്തോടെ നടന്ന രക്തദാനക്യാമ്പ് ചേര്‍ത്തല ഡിവൈഎസ്പി വൈ.ആര്‍ റസ്റ്റം ഉദ്ഘാടനം ചെയ്തു. ഫാ.റെക്‌സണ്‍ ചുള്ളിക്കല്‍ അധ്യക്ഷതവഹിച്ചു. ചേര്‍ത്തല തെക്ക് പഞ്ചായത്ത് പ്രസിഡന്റ് വി.എ സേതുലക്ഷ്മി, കെസിവൈഎം കൊച്ചിന്‍ രൂപത പ്രസിഡന്റ് സെല്‍ബന്‍, സുവര്‍ണ ജൂബിലി ചെയര്‍മാന്‍ ടി.സി ജോസ്‌കുഞ്ഞ് തുടങ്ങിയവര്‍ പ്രസംഗിച്ചു.