കൊടുങ്ങല്ലൂര്‍: എറിയാട് ഡി.വൈ.എഫ്.ഐ. ഓഫിസ് തീവെച്ച് നശിപ്പിച്ചു. ഡി.വൈ.എഫ്.ഐ. മേഖല സമ്മേളനത്തിന്റെ ഭാഗമായി കാട്ടാകുളത്ത് പാര്‍ട്ടിയുടെ ഉടമസ്ഥതയിലുള്ള സ്ഥലത്ത് ഈയിടെ നിര്‍മിച്ച ഓഫിസാണ് കഴിഞ്ഞരാത്രി കത്തി നശിച്ചത്. ഓലയും പ്ലാസ്റ്റിക് ഷീറ്റും ഉപയോഗിച്ച് നിര്‍മിച്ച ഓഫിസ് പൂര്‍ണമായും കത്തിനശിച്ച നിലയിലാണ്. പൊലിസ് അന്വേഷണം ആരംഭിച്ചു.

രാജവെമ്പാലയെ പിടികൂടി

കയ്പമംഗലം: മൂന്നുപീടികയില്‍ നിന്നും രാജവെമ്പാലയെ പിടികൂടി. മൂന്നുപീടിക ബീച്ച് റോഡ് കണ്ടകത്ത് ബീരാന്‍ ഹാജിയുടെ വീട്ടിലെ വിറക്പുരയില്‍ നിന്നാണ് എട്ടടി നീളമുള്ള രാജവെമ്പാലയെ പിടികൂടിയത്.