റിയാദ്: അമേരിക്കന്‍ പ്രസിഡന്റായി തിരഞ്ഞെടുക്കപ്പെട്ട ഡൊണാള്‍ഡ് ട്രംപുമായി തിരുഗേഹങ്ങളുടെ സേവകനും സഊദി ഭരണാധികാരിയുമായ സല്‍മാന്‍ ഇബ്‌നു അബ്ദുല്‍ അസീസ് രാജാവ് ടെലഫോണില്‍ ബന്ധപ്പെട്ടു.

തിരഞ്ഞെടുപ്പ് വിജയത്തോടനുബന്ധിച്ച് നടത്തിയ ആശംസക്ക് തൊട്ടുപിന്നാലെയാണ് രാജാവ് ട്രംപിനെ നേരിട്ട് ഫോണില്‍ ബന്ധപ്പെട്ട് സംസാരിച്ച് അഭിനന്ദനം അറിയിച്ചത്

അമേരിക്കയുമായുള്ള ചരിത്രപരവും തന്ത്രപരവുമായ ബന്ധം കൂടുതല്‍ ശക്തിപ്പെടുത്തുന്നതിനും മധ്യപൗരസ്ത്യ ദേശത്തും ലോകത്ത് മുഴുവനും സുരക്ഷാ ഭദ്രതയും സമാധാനവുമുണ്ടാക്കുന്നതിന് ഒരുമിച്ച് പ്രവര്‍ത്തിക്കുന്നതിനും തന്റെ രാജ്യം ആഗ്രഹിക്കുന്നതായി ട്രംപുമായുള്ള സംഭാഷണത്തില്‍ സല്‍മാന്‍ രാജാവ് പറഞ്ഞു. ഇരുരാജ്യങ്ങളുമായുളള ബന്ധം കൂടുതല്‍ ശക്തിപ്പെടുത്താന്‍ ആഗ്രഹിക്കുന്നതായി സല്‍മാന്‍ രാജാവ് അറിയിച്ചു.