മാന്നാര്‍: അപ്പര്‍ കുട്ടനാടന്‍ മേഖലയില്‍ വേനല്‍ കൃഷിക്കുള്ള നിലമൊരുക്കലിന്റെ ഭാഗമായി പാടങ്ങളിലെ പുല്ലുകളും കളകളും നശിപ്പിക്കാന്‍ അമിതമായി കീടനാശിനി പ്രയോഗം നടത്തുന്നതായി ആക്ഷേപം ഉയരുന്നു.
പാടങ്ങളിലെ ജല സസ്യങ്ങള്‍, പായല്‍, കളകള്‍ തുടങ്ങിയവ നീക്കം ചെയ്യുന്നതിനാണ് കളനാശിനി ഉപയോഗിക്കുന്നത്. കരിഞ്ഞുണങ്ങിയ പുല്ലുകള്‍ തീ കത്തിച്ച് ചാരമായി പാടത്ത് തന്നെ കിടക്കുന്നതിനാല്‍ വെള്ളത്തിന് നിറ വ്യത്യാസവും ദുര്‍ഗന്ധവും ഉണ്ടെന്ന് നാട്ടുകാര്‍ പറയുന്നു. ജോലിക്കെത്തുന്ന തൊഴിലാളികള്‍ക്ക് ശാരീരിക പ്രശ്‌നങ്ങളും ഉണ്ടാകുന്നതായും പറയുന്നു.