തുറവൂര്‍: ക്ഷീരമേഖലയിലുള്ള കര്‍ഷകരുടെ ബുദ്ധിമുട്ടുകള്‍ പരിഹരിക്കുന്നതിനാവശ്യമായ നടപടികള്‍ സര്‍ക്കാര്‍ സ്വീകരിക്കുമെന്ന് മന്ത്രി പി.തിലോത്തമന്‍ പറഞ്ഞു. പട്ടണക്കാട് ബ്ലോക്ക് ക്ഷീര കര്‍ഷക സംഗമം ഉദ്ഘാടനം ചെയ്യുകയായിരുന്നു അദ്ദേഹം. പട്ടണക്കാട് ബ്ലോക്ക് പഞ്ചായത്ത് പ്രസിഡന്റ് വത്സല തമ്പി അധ്യക്ഷനായി. എ.എം ആരിഫ് എം.എല്‍.എ സ്റ്റുഡന്റ് ഡയറി ക്ലബിന്റെ ഉദ്ഘാടനവും ജില്ലാ പഞ്ചായത്ത് വൈസ് പ്രസിഡന്റ് ദലീമ ജോ ജോ ഏറ്റവും കൂടുതല്‍ പാല്‍ അളക്കുന്ന കര്‍ഷകനുള്ള അവാര്‍ഡ് വിതരണവും നിര്‍വഹിച്ചു. ബ്ലോക്ക് പഞ്ചായത്തംഗം ടി.എച്ച് സലാം, പഞ്ചായത്ത് പ്രസിഡന്റുമാരായ ടി.എം ഷരീഫ്, അനിതസോമന്‍, പ്രേമരാജപ്പന്‍, ക്ഷീരവികസന ഓഫിസര്‍ എല്‍. സുസ്മിത എന്നിവര്‍ പ്രസംഗിച്ചു. ക്ഷീര വികസന സെമിനാര്‍, കന്നുകാലി പ്രദര്‍ശനം, കര്‍ഷകര്‍ക്കുള്ള അവാര്‍ഡ് വിതരണം എന്നിവയും നടന്നു.