മലപ്പുറം: നരേന്ദ്രമോദിയുടെ പരിഷ്‌കാരങ്ങളില്‍ പ്രതിഷേധിച്ച് ഡി.െൈവ.എഫ്.ഐയുടെ വിവിധ ബ്ലോക്ക് കമ്മിറ്റികളുടെ നേതൃത്വത്തില്‍ കേന്ദ്ര സര്‍ക്കാര്‍ ഓഫിസുകളിലേക്ക് മാര്‍ച്ചും ഉപരോധ സമരവും സംഘടിപ്പിച്ചു.
മലപ്പുറം ദൂരദര്‍ശന്‍ കേന്ദ്രത്തില്‍ നടന്ന സമരം സി. ഇല്യാസ് ഉദ്ഘാടനം ചെയ്തു.
 അങ്ങാടിപ്പുറം ബി.എസ്.എന്‍.എല്‍ ഓഫീസിന് മുന്നില്‍ സംസ്ഥാന കമ്മിറ്റി അംഗം ടി.കെ സുല്‍ഫീക്കറലിയും കൊണ്ടോട്ടി ബി.എസ്.എന്‍.എല്‍ ഓഫീസ് മാര്‍ച്ച് ജില്ലാ വൈസ് പ്രസിഡന്റ് ചാര്‍ളി കബീര്‍ദാസും മഞ്ചേരി ഹെഡ്‌പോസ്‌റ്റോഫീസ് മാര്‍ച്ച് ജില്ലാ ജോയിന്റ് സെക്രട്ടറി പി.കെ മുബഷിറും അരീക്കോട് പോസ്‌റ്റോഫീസ് മാര്‍ച്ച് കെ.മുഹമ്മദ് ഷെരീഫും ഉദ്ഘാടനം ചെയ്തു.
പെരിന്തല്‍മണ്ണ ഹെഡ് പോസ്റ്റ്  ഓഫീസ് മാര്‍ച്ച് സി.എച്ച് ആഷിക്കും വളാഞ്ചേരി ഹെഡ് പോസ്റ്റ് ഓഫീസ് മാര്‍ച്ച് കെ.പി ശങ്കരന്‍ മാസ്റ്ററും പരപ്പനങ്ങാടിയില്‍ പി.പി സോമസുന്ദരനും മക്കരപറമ്പില്‍ എം.പി അലവിയും വണ്ടൂരില്‍ പി.അര്‍ജുനും എടപ്പാളില്‍ ബി.ജി ശ്രീജിത്തും പോസ്‌റ്റോഫീസ് മാര്‍ച്ചുകള്‍ ഉദ്ഘാടനം ചെയ്തു.