കോട്ടക്കല്‍: സംസ്ഥാന ഔഷധ സസ്യബോര്‍ഡിന്റെ ധനസഹായത്തോടെ കോട്ടക്കല്‍ ആര്യവൈദ്യശാല ഗവേഷണ കേന്ദ്രം മലപ്പുറം, പാലക്കാട് ജില്ലകളിലെ തെരഞ്ഞെടുക്കപ്പെട്ട വിദ്യാലയങ്ങളില്‍ നടപ്പിലാക്കി വരുന്ന ഔഷധോദ്യാനം പദ്ധതിക്ക് പറപ്പൂര്‍ ഐ.യു ഹയര്‍സെക്കന്ററി സ്‌കൂളില്‍ തുടക്കമായി.
ഗ്രാമപഞ്ചായത്ത് പ്രസിഡന്റ് പറങ്ങോടത്ത് മുഹമ്മദ്കുട്ടി പദ്ധതി ഉദ്ഘാടനം ചെയ്തു. വാര്‍ഡംഗം റസിയ ചെമ്പകശ്ശേരി അധ്യക്ഷയായി.
ഗവേഷണകേന്ദ്രം സീനിയര്‍ സയന്റിസ്റ്റ് ഡോ.കെ.എം  പ്രഭുകുമാര്‍, എം.കെ മഹേഷ്‌കുമാര്‍ എന്നിവര്‍ വിഷയാവതരണം നടത്തി.  
പ്രധാനാധ്യാപകന്‍ തൊട്ടിയില്‍ മുഹമ്മദ്കുട്ടി, മാനേജര്‍ ടി മൊയ്തീന്‍കുട്ടി, ടി അബ്ദുറഷീദ്, ഡപ്യൂട്ടി ഹെഡ്മാസ്റ്റര്‍ സി.കെ അഹമ്മദ്കുട്ടി, കെ കൃഷ്ണന്‍, എം.കെ രാജന്‍, ജെ രാജ്‌മോഹന്‍ എന്നിവര്‍ സംസാരിച്ചു.