സന്‍ജുആന്‍: 2018ല്‍ റഷ്യയില്‍ നടക്കുന്ന ലോകകപ്പിന്റെ യോഗ്യത മത്സരത്തില്‍ ബ്രസീലിനോട് തോറ്റതിന്റെ അരിശം കൊളംബിയയോട് തീര്‍ത്ത് അര്‍ജന്റീന. ഇന്ന് നടന്ന മത്സരത്തില്‍ കൊളംബിയയെ എതിരില്ലാത്ത മൂന്ന് ഗോളുകള്‍ക്കാണ് അര്‍ജന്റീന തകര്‍ത്തത്. കളി തുടങ്ങി പത്തു മിനിറ്റിനുള്ളില്‍ ഫ്രീകിക്കിലൂടെ ലയണല്‍ മെസ്സിയുടെ മാസ്മരിക ഗോളിലൂടെ മെസ്സി തന്നെ വിമര്‍ശകര്‍ക്ക് മറുപടി നല്‍തി. ആരാധകരുടെ നിരാശ മാറ്റാന്‍ വകയുള്ളതായിരുന്നു മെസ്സിയുടെ ഗോള്‍. 23ാം മിനിറ്റില്‍ ലൂക്കാസ് പ്രാറ്റോയുടെ മനോഹരമായ രണ്ടാം ഗോള്‍ നോടി. കളി തീരാന്‍ മിനിറ്റകള്‍ ശേഷിക്കേ മെസ്സി നല്‍കിയ പാസിലൂടെ ഡിമരിയ അര്‍ജന്റീനക്കായി മൂന്നാം ഗോളും നേടി. കഴിഞ്ഞ മത്സരത്തില്‍ അര്‍ജന്റീന 3-0ത്തിന് ബ്രസീലിനോട് പരാജയപ്പെട്ടിരുന്നു.

നേരത്തെ നടന്ന ചിലി-ഉറുഗ്വേ മത്സരത്തില്‍ 3-1ന് ചിലി ഉറുഗ്വേയെ തോല്‍പ്പിച്ചിരുന്നു.