കൊച്ചി: എടയ്ക്കാട്ടുവയല്‍ പഞ്ചായത്തിലെ കുന്നപ്പിള്ളില്‍ 184ാം നമ്പര്‍ റേഷന്‍ കട, തൃപ്പൂണിത്തുറ മുനിസിപ്പാലിറ്റിയിലെ ലേബര്‍ കോര്‍ണര്‍ 108ാം നമ്പര്‍ റേഷന്‍കട, തൃപ്പൂണിത്തുറ നഗരസഭയിലെ ലേബര്‍ കോര്‍ണര്‍ കോഴിവെട്ടുംവെളി 98ാം നമ്പര്‍ റേഷന്‍ കട എന്നിവ സ്ഥിരമായി നടത്തുന്നതിന് പട്ടികജാതി, പട്ടികവര്‍ഗ വിഭാഗക്കാരില്‍ നിന്ന് അപേക്ഷ ക്ഷണിച്ചു. അപേക്ഷകര്‍ ബന്ധപ്പെട്ട വാര്‍ഡ്, സര്‍വീസ് മേഖലയിലെ സ്ഥിരതാമസക്കാരന്‍ ആയിരിക്കണം.
15000 രൂപയില്‍ കുറയാത്ത ആസ്തി ഉണ്ടായിരിക്കണം. നിശ്ചിതഫോറത്തില്‍ പൂരിപ്പിച്ച അപേക്ഷകള്‍ ഡിസംബര്‍ അഞ്ചിന് മൂന്നുമണിക്കകം ജില്ലാ സപ്ലൈ ഓഫീസര്‍ക്ക് സമര്‍പ്പിക്കണം.