മാവേലിക്കര: റവന്യുജില്ലാ സ്‌കൂള്‍ ശാസ്‌ത്രോസ്തവത്തില്‍ സംഘാടനത്തിലെ താളപ്പിഴ മൂലം വെള്ളവും ഭക്ഷണവും ലഭിക്കാതെ വിദ്യാര്‍ത്ഥികള്‍ വലഞ്ഞു.
      5000ത്തോളം വിദ്യാര്‍ത്ഥികള്‍ പങ്കെടുക്കുന്ന മേളയില്‍ വിദ്യാര്‍ത്ഥകള്‍ക്ക് വേണ്ടത്ര ഭക്ഷണ സൗകര്യം സംഘാടകര്‍ ഒരുക്കിയിരുന്നില്ല.
ക്യാന്റീന്‍ സംവിധാനത്തില്‍ ഉച്ചഭക്ഷണം വിതരണം ചെയ്യുമെന്ന് സംഘാടകര്‍ മുന്‍കൂട്ടി അറിയിച്ചിരുന്നെങ്കിലും ഇതും മിക്കവിദ്യാര്‍ത്ഥികള്‍ക്കും ലഭിച്ചില്ല. ഉച്ചഭക്ഷണമായി കപ്പയും ചമ്മന്തിയുമാണ് 10രൂപ നിരക്കില്‍ ക്യാന്റീന്‍ വഴി വിതരണം നടത്തിയത്.
ഇത് വാങ്ങാനായി വിദ്യാര്‍ത്ഥികള്‍ നിന്നുവലയുന്ന ദുരിതകാഴ്ചയാണ് ഇന്നലെ പ്രകടമായത്.