കൊയിലാണ്ടി: പള്ളിയുടെ നെയിംബോര്‍ഡ് സാമൂഹ്യവിരുദ്ധര്‍ എറിഞ്ഞു തകര്‍ത്തു. കുറുവങ്ങാട് ഐ.ടി.ഐക്ക് സമീപമുള്ള ജുമുഅത്ത് പള്ളിയുടെ നെയിംബോര്‍ഡാണ് വ്യാഴാഴ്ച പുലര്‍ച്ചെ അജ്ഞാതരായ രണ്ടുപേര്‍ തകര്‍ത്തത്.
പള്ളിയുടെ ഒന്നാം നിലയില്‍ ഉറങ്ങുകയായിരുന്ന ഇമാം ശബ്ദം കേട്ട് നോക്കിയപ്പേഴേക്കും രണ്ടുപേര്‍ പള്ളിയുടെ മുറ്റത്ത് നിന്നിറങ്ങി ബൈക്കില്‍ കടന്നുകളയുകയായിരുന്നു.
സംഭവത്തില്‍ സര്‍വകക്ഷിയോഗം പ്രതിഷേധിച്ചു. യോഗത്തില്‍ പൊക്ലാരി അബൂബക്കര്‍ അധ്യക്ഷനായി. ഖത്വീബ് സൈനുല്‍ ആബിദ് മുസ്‌ലിയാര്‍, അമ്പലക്കമ്മിറ്റി പ്രതിനിധികളായ ഇ. അശോകന്‍ നായര്‍, ഒ. മാധവന്‍, പത്മനാഭന്‍, ശശീന്ദ്രന്‍, അശോകന്‍ കൊണ്ടംവള്ളി, പി.ടി സുരേഷ്, പി.കെ ഷിജു, വി.കെ മുകുന്ദന്‍, എന്‍.വി ബാലകൃഷ്ണന്‍, അഡ്വ. സുനില്‍ മോഹന്‍, വി.വി ആരിഫ്, യു.കെ.ഡി അടിയോടി, വി.കെ ബൈജു, ഡി.കെ മുകുന്ദന്‍, ശാന്ത ടീച്ചര്‍, സി.സി പത്മനാഭന്‍, ശശിധരന്‍, ടി.കെ ദാസന്‍, ടി.പി അബ്ദുല്ല, സി.എം ഹംസ, എം.ടി അഷ്‌റഫ്, എന്‍.കെ റഊഫ്, ടി.എം അബ്ദുല്ലക്കുട്ടി സംസാരിച്ചു. കൊയിലാണ്ടി പൊലിസ് കേസെടുത്ത് അന്വേഷണം ആരംഭിച്ചിട്ടുണ്ട്.