മഞ്ചേരി: നോട്ട് പ്രതിസന്ധിയില്‍ തളരാതെ ശാസ്‌ത്രോത്സവം രണ്ടാം ദിനം കടന്നു. നിലവിലെ സാമ്പത്തിക പ്രശ്‌നങ്ങള്‍ മുന്നില്‍ കണ്ടുകൊണ്ട്് തന്നെ മികച്ച ക്രമീകരണങ്ങള്‍ ഇത്തവണ ഒരുക്കിയിട്ടുണ്ട്.
ചെലവു ചുരുക്കിയാണ് ഇത്തവണ മേളക്കു കൊടിയേറിയത്. വ്യാപാരികളാണ് സാധാരണ ട്രോഫികളും മറ്റുള്ള ചില ചെലവുകളും സ്‌പോണ്‍സര്‍ ചെയ്തിരുന്നത്. എന്നാല്‍ നോട്ട് പ്രതിസന്ധിയില്‍ ഇത്തരം സ്‌പോണ്‍സര്‍ഷിപ്പുകള്‍ കൂടുതല്‍ നടന്നില്ല . ഇതോടെ വിവിധ കമ്മിറ്റികള്‍ കടുത്ത പ്രതിസന്ധിയിലായിരുന്നു. ഇതിനെ മറികടന്ന് 650 വ്യക്തിഗത ചാംപ്യന്മാര്‍ക്കുള്ള ട്രോഫിയാണ് ഇതിന്റെ ചുമതലയുള്ള കെ.എ.ടി.എഫ് ജില്ലാ കമ്മിറ്റി ഒരുക്കിയത്. 27 ഇനങ്ങളിലെ ഓവറോള്‍ ട്രോഫികളും ഇവര്‍ ഒരുക്കി. കണ്‍വീനര്‍ പി.അബ്ദുല്‍ ലത്തീഫ്, അംഗങ്ങളായ എസ്.എ റസാഖ്, കെ.സുലൈമാന്‍, സയ്യിദ് മുഹമ്മദ് ഇസ്മാഈല്‍, എം.കെ മുഹമ്മദ് റിജാസ്, സിദ്‌റത്തുല്‍ മുന്‍തഹ, പി.ശിഹാര്‍, പി.അബ്ദു റഹീം, യു.ഉബൈദ് എന്നിവരുടെ നേതൃത്വത്തിലായിരുന്നു ട്രോഫികളൊരുക്കിയത്.