കോഴിക്കോട്: ഏക സിവില്‍കോഡ് നടപ്പാക്കാനുള്ള കേന്ദ്ര സര്‍ക്കാരിന്റെ നീക്കത്തില്‍ പ്രതിഷേധിച്ച് ഡിസംബര്‍ രണ്ടിന് സമസ്തയുടെ നേതൃത്വത്തില്‍ മുതലക്കുളത്ത് സംഘടിപ്പിക്കുന്ന ശരീഅത്ത് സംരക്ഷണ സമ്മേളനത്തിന്റെ ഭാഗമായി ജില്ലാ എസ്.കെ.എസ്.എസ്.എഫ് വാര്‍ഷിക സംഗമവും കൗണ്‍സില്‍ മീറ്റും ഇന്ന് 19 ഉച്ചയ്ക്ക് 2.30ന് കോഴിക്കോട് സുപ്രഭാതം ഓഡിറ്റോറിയത്തില്‍ നടക്കും. ജില്ലാ കൗണ്‍സിലര്‍മാരും സബ്കമ്മിറ്റി ചെയര്‍മാന്‍, കണ്‍വീനര്‍മാരും സംബന്ധിക്കണമെന്ന് ജില്ലാ പ്രസിഡന്റ് സയ്യിദ് മുബശ്ശിര്‍ ജമലുല്ലൈലി തങ്ങളും ജനറല്‍ സെക്രട്ടറി ഒ.പി അഷ്‌റഫ് കുറ്റിക്കടവും അഭ്യര്‍ഥിച്ചു.