കൊടുങ്ങല്ലൂര്‍: തെരഞ്ഞെടുപ്പിന്റെ ആരവം അടങ്ങും മുന്‍പെ കൊടുങ്ങല്ലൂരില്‍ വീണ്ടും രാഷ്ട്രീയ കൊലപാതകം.
ഒരിടവേളക്ക് ശേഷം കൊടുങ്ങല്ലൂര്‍ രാഷ്ട്രീയ കൊലപാതകത്തിന് സാക്ഷ്യം വഹിച്ചതോടെ നാട് ഭീതിയുടെ പിടിയിലായി.
എട്ട് വര്‍ഷം മുന്‍പ് ഡി.വൈ.എഫ്.ഐ നേതാവ് കെ.യു ബിജു കൊല ചെയ്യപ്പെട്ടതായിരുന്നു കൊടുങ്ങല്ലൂരിലെ അവസാനത്തെ രാഷ്ട്രീയ കൊലപാതകം.
അതേ തുടര്‍ന്ന് കൊടുങ്ങല്ലൂരിലും പരിസര പ്രദേശങ്ങളിലും അരങ്ങേറിയ അക്രമസംഭവങ്ങള്‍ ഭീതിയോടെയാണ് നാട്ടുകാര്‍ ഓര്‍ക്കുന്നത്. വീണ്ടുമൊരു രാഷ്ട്രീയ കൊലപാതക വാര്‍ത്ത കൂടി കേട്ടതോടെ ജനം പഴയ ഓര്‍മ്മകളുടെ നടുക്കത്തിലമര്‍ന്നു. കനത്ത പൊലിസ് കാവലിന്റെ
പിന്‍ബലത്തിലും വേവലാതിയോടെയാണ് നാട്ടുകാര്‍ കഴിച്ചുകൂട്ടുന്നത്.