വാടാനപ്പള്ളി: കോയക്കുട്ടി മുസ്‌ലിയാര്‍ പാണ്ഡിത്യത്തിന്റെ പ്രകാശഗോപുരമായിരുന്നുവെന്നും ലാളിത്യം കൊണ്ട് ജീവിതം മുഴുവനും സ്രഷ്ടാവിന്റെ തൃപ്തിക്കായി സമര്‍പ്പിച്ച സൂഫിയായിരുന്നു ആനക്കര കോയക്കുട്ടി മുസ്ല്യാരെന്നും ഡോക്ടര്‍ സുബൈര്‍ ഹുദവി പറഞ്ഞു.
വാടാനപ്പള്ളി റൈഞ്ച് ജംഇയ്യത്തുല്‍ മുഅല്ലിമീനും, എസ്.കെ.എസ്.എസ്.എഫ് ക്ലസ്റ്ററും സി.എച്ച് യത്തീംഖാനയില്‍ സംയുക്തമായി സംഘടിപ്പിച്ച കോയക്കുട്ടി മുസ്‌ലിയാര്‍ അനുസ്മരണ പ്രഭാഷണം നടത്തുകയായിരുന്നു.
വാടാനപ്പള്ളി മഹല്ല് ഖത്തീബും, കാലിക്കറ്റ് യൂണിവേഴ്‌സിറ്റി സി.എച്ച് ചെയര്‍ വൈസ്ചാന്‍സലര്‍ കൂടിയായ ഡോക്ടര്‍ സുബൈര്‍ ഹുദവി ചേകന്നൂര്‍.
സമസ്ത കേരള ജംഇയ്യത്തുല്‍ ഉലമ ജില്ലാ സെക്രട്ടറി എം.എം മുഹ്‌യദ്ദീന്‍ മൗലവി അനുസ്മരണം ഉദ്ഘാടനവും പഠനകിറ്റ് വിതരണവും നടത്തി. വാടാനപ്പള്ളി റൈഞ്ച് പ്രസിഡന്റ് എ.ടി.എം ഫൈസി അധ്യക്ഷനായി.
ഉമ്മര്‍ ബാഖവി പഴയന്നൂര്‍, മുസ്തഫ വാഫി, അബ്ദുല്‍ കരീം ദാരിമി, നൂറുദ്ധീന്‍ യമാനി, സുധീര്‍ പട്ടലങ്ങാടി, ജാവേദ് എന്നിവര്‍ സംസാരിച്ചു.