ഗുരുഗ്രാം: ഹരിയാനയില്‍ ഗ്രാമീണരെ ആക്രമിച്ച പുലിയെ നാട്ടുകാര്‍ കൊന്നു.  ഹരിയാനയിലെ ഗുരുഗ്രാമിലെ  സോഹ്ന ഏരിയയിലായിരുന്നു സംഭവം.
കാട്ടില്‍ നിന്നും വഴി തെറ്റി ഗ്രാമത്തില്‍ എത്തിയ പുലി നിരവധി മൃഗങ്ങളെ അക്രമിക്കുകയും  വീടുകള്‍ തകര്‍ക്കുകയും ചെയ്തിരുന്നു.മന്ദ്വാര്‍ വില്ലേജില്‍ നിന്ന് പുലിയെ കണ്ടെത്തിയ ഗ്രാമീണര്‍ ഉടനെ വിവരം വന്യജീവി വകുപ്പില്‍ അറിയിച്ചു.
എന്നാല്‍ ഒന്നര മണിക്കൂര്‍ കഴിഞ്ഞാണ് അധികൃതര്‍ എത്തിയത്. ഇതില്‍ കുപിതരായ ഗ്രാമീണര്‍ കല്ലും മുളംകമ്പും മഴുവും ഉപയോഗിച്ച് പുലിയെ നേരിടുകയായിരുന്നു. തുടര്‍ന്ന് നടന്ന സംഘര്‍ഷത്തില്‍ വനം വകുപ്പ് ഉദ്യോഗസ്ഥനടക്കം ഒമ്പത് പേര്‍ക്ക്  പരുക്കേറ്റു.