കണ്ണൂര്‍: സ്റ്റേറ്റ് എംപ്ലോയിസ് യൂനിയന്‍ സംസ്ഥാന സമ്മേളനത്തിനു കണ്ണൂരില്‍ തുടക്കമായി. സംസ്ഥാന പ്രസിഡന്റ് നസീം ഹരിപ്പാട് പതാക ഉയര്‍ത്തിയതോടെയാണു മൂന്നുദിവസത്തെ സമ്മേളനത്തിനു തുടക്കമായത്. സമ്മേളനം ഇന്നു രാവിലെ രാവിലെ ഒന്‍പതിനു നവനീതം ഓഡിറ്റോറിയത്തില്‍ പ്രതിപക്ഷ ഉപനേതാവു പി.കെ കുഞ്ഞാലിക്കുട്ടി ഉദ്ഘാടനം ചെയ്യും.
മുസ്‌ലിംലീഗ് സംസ്ഥാന ജനറല്‍സെക്രട്ടറി കെ.പി.എ മജീദ്, എം.പി അബ്ദുസമദ് സമദാനി, എം.കെ രാഘവന്‍ എം.പി പങ്കെടുക്കും. 11നു സിവില്‍ സര്‍വിസ് തിരുത്തപ്പെടേണ്ട ധാരണകള്‍ എന്ന സെമിനാര്‍ ഇ.ടി മുഹമ്മദ് ബഷീര്‍ എം.പി ഉദ്ഘാടനം ചെയ്യും. ഉച്ചയ്ക്കു രണ്ടിനു 'ബഹുസ്വരതയുടെ ഇന്ത്യ' എന്ന വിഷയത്തില്‍ നടക്കുന്ന സെമിനാര്‍ പാണക്കാട് മുനവറലി ശിഹാബ് തങ്ങള്‍ ഉദ്ഘാടനം ചെയ്യും. കെ.എന്‍.എ ഖാദര്‍ വിഷയാവതരണം നടത്തും.
3.30നു യാത്രയയപ്പു സമ്മേളനം പി.വി അബ്ദുല്‍ വഹാബ് എം.പി ഉദ്ഘാടനം ചെയ്യും. 4.30നു സ്റ്റേഡിയം കോര്‍ണറില്‍ നടക്കുന്ന പൊതുസമ്മേളനം ഇ.അഹമ്മദ് എം.പി ഉദ്ഘാടനം ചെയ്യും.