ഷൊര്‍ണൂര്‍: പ്രദേശിക ചരിത്രം രചിക്കാന്‍ സാമൂഹിക ശാസ്ത്രമേളയില്‍ എത്തിയത് 70 പേര്‍. ഹൈസ്‌കൂള്‍, ഹയര്‍ സെക്കന്‍ഡറി വിഭാഗങ്ങളിലാണ് പ്രാദേശിക ചരിത്ര രചന മത്സരം നടത്തിയത്. അതാത് പ്രദേശത്തെ ചരിത്രങ്ങള്‍ കണ്ടെത്തുകയും അവയെ വിശദമായി അവതരിപ്പിക്കുകയുമാണ് ചെയ്യേണ്ടത്. ആണ്‍ കുട്ടികളെക്കാള്‍ പെണ്‍കുട്ടികളാണ് ചരിത്രമെഴുതാന്‍ കൂടുതലായി എത്തിയത്.
ഇതിനു പുറമെ, ആദിമ മനുഷ്യനില്‍ നിന്നുംഇന്നത്തെ മനുഷ്യ കുലത്തിന്റെ അവസ്ഥകള്‍ ചിത്രീകരിച്ചു തൃക്കാക്കര ഇന്‍ഫന്റ് ജീസ്സസ സ്‌കൂളിലെ കുട്ടികള്‍ ടീച്ചിങ് എയ്ഡ് വിഭാഗത്തില്‍ തയാറാക്കിയ'പരിണാമത്തിന്റെ വഴികള്‍' എന്ന ശില്‍പങ്ങള്‍ ഈ വിഭാഗത്തില്‍ വേറിട്ട കാഴ്ചയായി. കുരങ്ങനില്‍ തുടങ്ങുന്ന മനുഷ്യന്റെ അവസ്ഥ മുതല്‍ ഇന്നത്തെ മോട്ടോര്‍ യുഗത്തിലെ മനുഷ്യനെ വരെ ഇതില്‍ ചിത്രീകരിച്ചിട്ടുണ്ട്.