ചങ്ങരംകുളം: ചങ്ങരംകുളം മേഖലയില്‍ ഓടകളും, കാനകളും മൂടപ്പെട്ട നിലയില്‍. കാനകള്‍ ശുചീകരിക്കാത്തതും നവീകരിക്കാത്തതുമാണു പല സ്ഥലത്തും അഴുക്ക് ജലം കെട്ടികിടക്കിടക്കുന്നത്. ഇത് സമീപപ്രദേശത്തെ വീടുകളിലേക്കൊഴുകി പോകാനും കാരണമായി. സംസ്ഥാന പാതയിലെ പല അഴുക്ക് ചാലുകളും പൂര്‍ണ്ണമായും അടഞ്ഞു. കൃത്യമായ സമയത്തു ശുചീകരണം നടത്താത്തതാണു പ്രധാന കാരണമായത്. മഴക്കാലത്തിനു മുന്‍പ് എത്രയും പെട്ടെന്ന് കാനകള്‍ നവീകരിക്കാന്‍ അധികൃതര്‍ രംഗത്തിറങ്ങണമെന്നാണ് കച്ചവടക്കാരും, നാട്ടുകാരും പറയുന്നത്.