ദോഹ: എസ്.കെ.എസ്.എസ്്.എഫ് ഖത്തര്‍ നാഷനല്‍ കമ്മിറ്റി സംഘടിപ്പിക്കുന്ന 'മദീന പാഷന്‍' ത്രൈമാസ കാംപയിന്‍ ഉദ്ഘാടനം സംസ്ഥാന പ്രസിഡന്റ് പാണക്കാട് സയ്യിദ് ഹമീദലി ശിഹാബ് തങ്ങള്‍ നിര്‍വഹിച്ചു. ഏരിയാതല സംഗമങ്ങള്‍, സീറത്തുന്നബി സദസ്സുകള്‍, ഏകദിന ക്യാംപ്, ജില്ലാ സ്‌റ്റേറ്റ് തല സര്‍ഗലയം, ടീനേജ് മീറ്റ്, മനുഷ്യ ജാലിക, ബഹുജന സംഗമം,സമാപന സമ്മേളനം തുടങ്ങിയ പരിപാടികള്‍ ക്യാംപയിനിന്റെ ഭാഗമായി സംഘടിപ്പിക്കുന്നുണ്ട്.
ദോഹ ജദീദ് സുന്നി സെന്ററില്‍ മുനീര്‍ ഹുദവി അധ്യക്ഷനായി. അബൂബക്കര്‍ ഖാസിമി, ഇസ്മാഈല്‍ ഹുദവി പാണ്ടിക്കാട്, അബ്ദുറഹ്മാന്‍ ദാരിമി വയനാട് പ്രസംഗിച്ചു. എസ്.കെ.എസ്.എസ്്.എഫ് കേരള സ്‌റ്റേറ്റ് പ്രസിഡന്റായ ശേഷം ആദ്യമായി ഖത്തറിലെത്തിയ ഹമീദലി തങ്ങള്‍ക്ക് ഖത്തര്‍ നാഷനല്‍ കമ്മിറ്റി നല്‍കിയ ഉപഹാരം അബൂബക്കര്‍ ഹുദവി നല്‍കി. മജ്‌ലിസുന്നൂര്‍ ആത്മീയ സദസ്സിന് സുബൈര്‍ ഫൈസി കട്ടുപ്പാറ നേതൃത്വം നല്‍കി. അസീസ് കോളയാട്, ജൗഹര്‍ പുറക്കാട്,നൗഷാദ് കൈപ്പമംഗലം,റഫീഖ് മാങ്ങാട് സംബന്ധിച്ചു.