കാട്ടാക്കട: താലൂക്കിന്റെ വിവിധയിടങ്ങളില്‍ മാവോയിസ്റ്റ് അനുകൂല പോസ്റ്ററുകള്‍. കുറ്റിച്ചല്‍ , പേഴുംമൂട് ഭാഗങ്ങളിലാണ് പോസ്റ്ററുകള്‍ പ്രത്യക്ഷപ്പെട്ടത്.
ഇന്നലെ വൈകുന്നേരമാണ് പേഴുമൂട് ജങ്ഷനിലും സമീപ സ്ഥലങ്ങളിലും കുറ്റിച്ചല്‍ യൂനിയന്‍ ബാങ്കിന് സമീപത്തും എതിര്‍വശത്തു നിര്‍മ്മാണം പുരോഗമിക്കുന്ന കെട്ടിടത്തിന്റെ പരിസരത്തും ഉന്മൂലന സിദ്ധാന്തം നിഷേധാത്മക നിലപാട് എന്ന ശീര്‍ഷകത്തില്‍ പോസ്റ്ററുകള്‍ പ്രത്യക്ഷപ്പെട്ടത്.
സൊസൈറ്റി ഫോര്‍ പ്രൊട്ടക്ഷന്‍ ഓഫ് ഡെമോക്രാറ്റിക് റൈറ്‌സ് സംസ്ഥാന കമ്മിറ്റി യുടെ പേരിലാണ് പോസ്റ്ററുകള്‍. സര്‍ക്കാരിനെ വിമര്‍ശിച്ചും മാവോയിസ്റ്റുകളുടെ നേര്‍ക്കുള്ള വ്യാജ ഏറ്റുമുട്ടല്‍ ഉന്നതതല അന്വേഷണം ഏര്‍പ്പെടുത്തുക എന്ന ആവശ്യവും ആണ് ഇതിലുള്ളത്. പ്രദേശവാസികള്‍ പൊലിസില്‍ വിവരമറിയിച്ചു.