വണ്ടൂര്‍: മലപ്പുറം സെന്‍ട്രല്‍ സഹോദയയും സി.ബി.എസ്.ഇ സ്‌കൂള്‍ മാനേജ്‌മെന്റ് അസോസിയേഷനും സംയുക്തമായി സംഘടിപ്പിക്കുന്ന ജില്ലാ ശാസ്ത്രമേള  'സെന്റര്‍ 16' വണ്ടൂര്‍ ഓട്ടണ്‍ ഇംഗ്ലീഷ് സ്‌കൂളില്‍ തുടങ്ങി. എ.പി അനില്‍ കുമാര്‍ എം.എല്‍.എ ഉദ്ഘാടനം ചെയ്തു.
പ്രിന്‍സിപ്പല്‍ ഡോ. എന്‍.പി ദിവ്യ അധ്യക്ഷയായി. സി.ബി.എസ്.ഇ സ്‌കൂള്‍ മാനേജ്‌മെന്റ് അസോസിയേഷന്‍ സെക്രട്ടറി മജീദ് മുഖ പ്രഭാഷണം നടത്തി. മലപ്പുറം സെന്‍ട്രല്‍ സഹോദയ ജനറല്‍ സെക്രട്ടറി അനീഷ് കുമാര്‍, നജാത്ത് ഇഗ്ലീഷ് സ്‌കൂള്‍ പ്രിന്‍സിപ്പാള്‍ ഡോ. ഇസ്ഹാഖ് മുഹമ്മദ്, എടക്കര ഹൈഡന്‍സ് സ്‌കൂള്‍ പ്രിന്‍സിപ്പല്‍ റഫീഖ്, എയ്‌സ് സ്‌കൂള്‍ പ്രിന്‍സിപ്പല്‍ ഹരി കുമാര്‍, രേഷ്മ സുമോദ് സംസാരിച്ചു.