ന്യൂഡല്‍ഹി: അസാധുവാക്കിയ 40 കോടിയുടെ നോട്ടുകള്‍ മാറ്റിയെടുത്ത രï് ബാങ്ക് ജീവനക്കാരെ എന്‍ഫോഴ്‌സ്‌മെന്റ് ഡയറക്ടറേറ്റ് അറസ്റ്റ് ചെയ്തു. ഡല്‍ഹിയിലെ ആക്‌സിസ് ബാങ്ക് മാനേജര്‍മാരാണ് അറസ്റ്റിലായത്. ഡല്‍ഹി കശ്മിരി ഗേറ്റ് ബ്രാഞ്ചിലെ മാനേജര്‍മാര്‍ മൂന്ന് അക്കൗïുകളിലൂടെയാണ് അസാധുനോട്ടുകള്‍ മാറ്റിയെടുത്തതെന്ന് കïെത്തി. ഇതിന് പകരമായി സ്വര്‍ണക്കട്ടികളാണ് ഇവര്‍ കൈക്കൂലിയായി വാങ്ങിച്ചതെന്ന് എന്‍ഫോഴ്‌സ്‌മെന്റ് ഡയറക്ടറേറ്റ് അറിയിച്ചു.
കശ്മിരി ഗേറ്റില്‍ നിന്നും 3.5 കോടി രൂപയുടെ നോട്ടുകളുമായി മൂന്ന് പേരെ കഴിഞ്ഞ മാസം പൊലീസ് പിടികൂടിയിരുന്നു. ഇവരെ ചോദ്യം ചെയ്തപ്പോള്‍ ലഭിച്ച വിവരത്തിന്റെ അടിസ്ഥാനത്തിലാണ് ബാങ്ക് മാനേജര്‍മാരായ ശശാങ്ക് സിങ്ങിന്റേയും വിനീത് ഗുപ്തയുടേയും പങ്ക് വെളിപ്പെട്ടത്.
പലരുടേയും കൈവശമുള്ള അസാധു നോട്ടുകള്‍ തങ്ങളുടെ മൂന്ന് അക്കൗïുകളില്‍ നിക്ഷേപിക്കാന്‍ അനുവദിക്കുകയായിരുന്നു. ഈ പണം ഉപയോഗിച്ച് ഇവര്‍ സ്വര്‍ണം വാങ്ങിയിട്ടുï്. പണം നിക്ഷേപിച്ചവരെക്കുറിച്ചുള്ള വിവരങ്ങള്‍ പൊലിസ് ശേഖരിച്ചുവരികയാണ്.