പൂവത്തൂര്‍: സമസ്ത കോഡിനേഷന്‍ പാടൂര്‍ റൈഞ്ചിന്റെ നേതൃത്വത്തില്‍ ഇന്ന് എക സിവില്‍കോഡിനെതിരെ ശരീഅത്ത് സംരക്ഷണ സംഗമം നടത്തുമെന്ന് ഭാരവാഹികള്‍ പാവറട്ടിയില്‍ വാര്‍ത്ത സമ്മേളനത്തില്‍ പറഞ്ഞു. വൈകീട്ട് 4 ന് പൂവ്വത്തൂര്‍ ബസ് സ്റ്റാന്‍ഡിലെ തൊഴിയൂര്‍ ഉസ്താദ് നഗറിലാണ് സംഗമം നടക്കുന്നത്. എസ്.വൈ.എസ് സംസ്ഥാന സെക്രട്ടറി എന്‍.പി അബ്ദുല്‍കരീം ഫൈസി ഉദ്ഘാടനം ചെയും.
എസ്.കെ.എസ്.എസ്.എഫ് സംസ്ഥാന സെക്രട്ടറി സത്താര്‍ പന്തല്ലൂര്‍ മുഖ്യ പ്രഭാക്ഷണം നടത്തുമെന്നും ഭാരവാഹികള്‍ വാര്‍ത്ത സമ്മേളനത്തില്‍ പറഞ്ഞു, ഹമീദ് ഹാജി, ഷരീഫ് ചിറക്കല്‍,അബ്ദുല്‍ ജബാര്‍ പണ്ടാറക്കാട്, ജാബിര്‍ യമാനി പാടൂര്‍,ഹമീദ് എന്നിവര്‍ വാര്‍ത്ത സമ്മേളനത്തില്‍ പങ്കെടുത്തു.