പള്ളുരുത്തി: ലോകം കണ്ട മികച്ച മനുഷ്യാവകാശ പ്രവര്‍ത്തകരില്‍ ഒരാളായിരുന്നു ഫിദല്‍ കാസ്‌ട്രോയെന്ന് കവി ബാലചന്ദ്രന്‍ ചുള്ളിക്കാട്. പള്ളുരുത്തി ഇ.കെ നാരായണന്‍ സ്‌ക്വയറില്‍ സംഘടിപ്പിച്ച ഫിദല്‍ കാസ്‌ട്രോ അനുസ്മരണം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. എന്നാല്‍ അമേരിക്കയടക്കമുള്ള സാമ്രാജത്യ രാജ്യങ്ങള്‍ കാസ്‌ട്രോയെ ഏകാധിപതിയായിട്ടാണ് വിശേഷിപ്പിച്ചത്. ഐക്യരാഷ്ട്രസഭയില്‍ ജനങ്ങള്‍ക്ക് ഭക്ഷണം, വസ്ത്രം, പാര്‍പ്പിടം, ആരോഗ്യ സംരക്ഷണം എന്നിവ ഏര്‍പ്പെടുത്തണമെന്ന് കാസ്‌ട്രോ ഘോരമായി വാദിച്ചിരുന്നുവെന്നും അദ്ദേഹം പറഞ്ഞു.
സി.പി.എം ജില്ലാ കമ്മിറ്റിയംഗം ടി.കെ.വത്സന്‍ അധ്യക്ഷത വഹിച്ചു. ജോണ്‍ ഫെര്‍ണാണ്ടസ് എം.എല്‍.എ, സാഹിത്യകാരന്‍ എം.വി ബെന്നി, ടി.പി സന്‍ജിത്ത്, ഇ.കെ മുരളീധരന്‍, വി.ജി രവീന്ദ്രന്‍, പി.എ പീറ്റര്‍, വി.എ ശ്രീജിത്ത് എന്നിവര്‍ സംസാരിച്ചു.