തലശ്ശേരി: ഹയര്‍ സെക്കന്‍ഡറി വിഭാഗം ഭരതനാട്യത്തില്‍ പെരളശേരി എ.കെ.ജി ജി.വി.എച്ച്.എസ്.എസിലെ എന്‍.കെ സായന്ത് മോന്‍ എ ഗ്രേഡോടെ ഒന്നാം സ്ഥാനത്തെത്തി. കൂത്തുപറമ്പ് ടൗണില്‍ താമസിക്കുന്ന സായന്ത് തുടര്‍ച്ചയായ രണ്ടാം തവണയാണ് സംസ്ഥാനതലത്തില്‍ യോഗ്യത നേടുന്നത്. കുച്ചുപ്പുടിയില്‍ രണ്ടുതവണ ജില്ലയില്‍ ഒന്നാം സ്ഥാനം നേടിയ സായന്ത് നാളെ മത്സരത്തിനിറങ്ങുന്നുണ്ട്. സ്‌കൂള്‍തലത്തിലും സബ് ജില്ലാ തലത്തിലും പിന്നിലായ സായന്ത് തലശേരി ഒന്നാം ക്ലാസ് മജിസ്‌ട്രേറ്റ് കോടതിയില്‍ നിന്നു ലഭിച്ച അപ്പീലിലൂടെയാണ് കുച്ചുപ്പുടി മത്സരത്തിനിറങ്ങുന്നത്. എന്‍.കെ ചന്ദ്രന്റെയും മേലേടത്ത് രജുലയുടെയും മകനായ സായന്ത് മനോജ് കല്ല്യാണിയുടെ ശിക്ഷണത്തിലാണ് കലോത്സവത്തില്‍ തിളങ്ങുന്നത്.