ആറ്റിങ്ങല്‍: ബൈക്ക് യാത്രക്കാരന്‍ കെ.എസ്.ആര്‍.ടി.സി ബസിടിച്ച് മരിച്ചു.
കിഴുവിലം ചരുവിള വീട്ടില്‍ (കരുണാ നിവാസ്) സുരേന്ദ്രന്‍ (56) ആണ് മരിച്ചത്. ചൊവ്വാഴ്ച വൈകുന്നേരം മൂന്നു മണിയോടെ ആറ്റിങ്ങല്‍ സ്വകാര്യബസ്റ്റാന്റിനു സമീപത്തായിരുന്നു അപകടം.
മുന്നില്‍ പോകുകയായിരുന്ന ബൈക്കിനെ ബസ് ഇടിച്ചിടുകയായിരുന്നു. തെറിച്ച് വീണ സുരേന്ദ്രന്റെ ദേഹത്തുകൂടി ബസ്‌കയറിയിറങ്ങി. അപകടം നടന്നിട്ടും ബസ് നിര്‍ത്താതെ പോയതായി നാട്ടുകാര്‍ പറഞ്ഞു. ബസ് പിന്നീട് പൊലിസ് പിടികൂടി. ആറ്റിങ്ങല്‍ പൊലിസ് കേസെടുത്തു.
മൃതദേഹം തിരിവനന്തപുരം മെഡിക്കല്‍ കോളജില്‍ സൂക്ഷിച്ചിരിക്കുകയാണ്. ആറ്റിങ്ങല്‍ മാമം കേരഫെഡിലെ സെക്യൂരിറ്റി ജീവനക്കാരനാണ്. ഭാര്യ: ഷീജ. മക്കള്‍:സുജിത്, സുജിത.