എടപ്പാള്‍: വൃത്തിയെ വിശ്വാസത്തിന്റെ ഭാഗമാക്കിയ തിരുനബിയുടെ ജന്മദിനാഘോഷങ്ങളുടെ ഭാഗമായി ശുചീകരണ പ്രവര്‍ത്തനം സംഘടിപ്പിച്ച് പൊന്നാനി സൗത്ത് ഉമറുല്‍ ഫാറൂഖ് മഹല്ല് യൂത്ത് വിങ് മാതൃകയായി. പൊന്നാനി പൊലിസ് സ്റ്റേഷന്‍ പരിസരവും വഴികളും വൃത്തിയാക്കിയാണ് യൂത്ത് വിങ് പ്രവര്‍ത്തകര്‍ മീലാദാഘോഷം മികവുറ്റതാക്കിയത്. പൊന്നാനി എസ്.ഐ ശശീന്ദ്രന്‍ മേലയില്‍ ഉദ്ഘാടനം ചെയ്തു. മഹല്ല് പ്രസിഡന്റണ്ട് സി.കെ റസാഖ് അധ്യക്ഷനായി. ഖത്വീബ് സി.എം അശ്‌റഫ് മൗലവി പ്രാര്‍ഥന നിര്‍വഹിച്ചു.
സിവില്‍ പൊലിസ് ഓഫിസര്‍ അബ്ബാസ് എറണാംകുളം, വി.എ ഗഫൂര്‍, സി.പി റാസിഖ്, കുഞ്ഞി ബാവ, സി അന്‍വര്‍, സമദ് പളളിപ്പടി, ഹസീബ് നേതൃത്വം നല്‍കി.