കൊടുങ്ങല്ലൂര്‍: മദ്യലഹരിയില്‍ നടുറോഡില്‍ സംഘര്‍ഷാവസ്ഥ സൃഷ്ടിച്ച യുവാവ് പൊലിസുകാരെ ആക്രമിച്ചു. അഴീക്കോട് വലിയാറ സുല്‍ഫീക്കര്‍ (35) ആണ് അഴീക്കോട് വച്ച് പൊലിസുകാരെ ആക്രമിച്ചത്.
കഴിഞ്ഞ ദിവസം രാത്രിയായിരുന്നു സംഭവം. മദ്യലഹരിയില്‍ നാട്ടുകാരെ കൈയേറ്റം ചെയ്യുകയും ബഹളമുണ്ടാക്കുകയും ചെയ്ത സുല്‍ഫീക്കര്‍ സംഭവമറിഞ്ഞെത്തിയ പൊലിസ് കണ്‍ട്രോള്‍ റൂമിലെ സിവില്‍ പൊലിസ് ഓഫിസര്‍മാരായ എം.എസ്ഷിജു, രാജി എന്നിവരെ ആക്രമിക്കുകയായിരുന്നു.
പൊലിസുകാര്‍ക്ക് നിസാര പരിക്കേറ്റു.
പൊലിസുകാരെ ആക്രമിക്കുകയും ഔദ്യോഗിക കൃത്യനിര്‍വഹണം തടസപ്പെടുത്തുകയും ചെയ്തതിന് അറസ്റ്റ് ചെയ്ത ഇയാളെ കോടതി റിമാന്‍ഡ് ചെയ്തു.