ബങ്കുറ: നോട്ട് നിരോധനം ജനങ്ങളെ എങ്ങനെ ബാധിക്കുമെന്ന് പ്രധാനമന്ത്രി മനസിലാക്കിയില്ലെന്ന് ബംഗാള്‍ മുഖ്യമന്ത്രി മമതാ ബാനര്‍ജി.
സര്‍ക്കാറിന്റെ നടപടി ജനങ്ങളെ ദരിദ്രരാക്കി മാറ്റുകയാണ് ചെയ്തതെന്നും അവര്‍ ആരോപിച്ചു. ജനങ്ങളുടെ കഷ്ടപ്പാടുകള്‍ ശരിക്കും തിരിച്ചറിഞ്ഞതുകൊണ്ടാണ് വെനസ്വല നോട്ട് നിരോധനം മരവിപ്പിച്ചത്. എന്നാല്‍ എന്ത് പ്രയാസങ്ങളുണ്ടായിട്ടും മോദി സര്‍ക്കാര്‍ എല്ലാം അവഗണിക്കുകയാണ് ചെയ്തിരിക്കുന്നതെന്നും മമതാ ബാനര്‍ജി ആരോപിച്ചു.
ജനങ്ങളുടെ കഷ്ടപ്പാടുകള്‍ കണ്ടിട്ടും കാണാത്ത ഭാവത്തിലാണ് സര്‍ക്കാര്‍.
നോട്ട് നിരോധിച്ചാല്‍ എന്തായിരിക്കും സംഭവിക്കുകയെന്നത് സാധാരണക്കാരായ ജനങ്ങള്‍ക്ക് ബോധ്യപ്പെട്ടിട്ടും പ്രധാനമന്ത്രിക്ക് ഇതുവരെ ഗൗരവം മനസിലായിട്ടില്ലെന്നും അവര്‍ പറഞ്ഞു