പൂച്ചാക്കല്‍:അരൂക്കുറ്റിയില്‍ കഞ്ചാവ് വില്‍പന രണ്ട് പേര്‍ പൊലീസ് പിടിയില്‍.തൈക്കാട്ടുശ്ശേരി പഞ്ചായത്ത് ഒന്നാം വാര്‍ഡ് പടിഞ്ഞാറേ സരസ്വതിമടത്തില്‍ സുനില്‍ലാല്‍(30),തൈക്കാട്ടുശ്ശേരി നാലാം വാര്‍ഡ് തുണ്ടുചിറയില്‍ ബിജുലാല്‍ (22)എന്നിവരെയാണ് പൂച്ചാക്കല്‍ പൊലീസ് അറസ്‌റ് ചെയ്തത്.
ഇവരില്‍ നിന്നും രണ്ട് പൊതികളിലായി ഇരുപത്തിയഞ്ച് ഗ്രാം കഞ്ചാവാണ് പിടികൂടിയത്.കഴിഞ്ഞ ദിവസം മുപ്പത് ഗ്രാം കഞ്ചാവുമായി മൂന്ന് പേരെ തൃച്ചാറ്റുകുളത്ത് നിന്നും പൊലീസ് പിടികൂടിയിരുന്നു.
എന്നാല്‍ പ്രതികള്‍ പൊലീസിനെ ആക്രമിച്ച് രക്ഷപ്പെടുവാന്‍ ശ്രമിച്ചതിനെ തുടര്‍ന്ന് മൂന്നോളം പൊലീസുകാര്‍ക്ക് പരിക്ക് പറ്റിയിരുന്നു.
പിന്നീട് നാട്ടുകാരുടെ സഹായത്തോടെയാണ് പ്രതികളെ പൊലീസ് അറസ്‌റ് ചെയ്തത്.എസ് ഐ.ജി.സുരേഷ്‌കുമാര്‍,എം.കെ.ഉത്തമന്‍,ബിന്‍ജി,ആനന്ദ് എന്നിവരടങ്ങുന്ന പൊലീസ് സംഘമാണ് അരൂക്കുറ്റി കൊമ്പനാമുറിയില്‍ നിന്നും കഞ്ചാവ് വില്‍പനക്കാരെ പിടികൂടിയത്.