HOME
DETAILS

മണിപ്പൂരില്‍നിന്നുള്ള വാഹനങ്ങള്‍ നാഗാ അതിര്‍ത്തിയില്‍ തടയാന്‍ തീരുമാനം

  
backup
December 20 2016 | 18:12 PM

%e0%b4%ae%e0%b4%a3%e0%b4%bf%e0%b4%aa%e0%b5%8d%e0%b4%aa%e0%b5%82%e0%b4%b0%e0%b4%bf%e0%b4%b2%e0%b5%8d%e2%80%8d%e0%b4%a8%e0%b4%bf%e0%b4%a8%e0%b5%8d%e0%b4%a8%e0%b5%81%e0%b4%b3%e0%b5%8d%e0%b4%b3-%e0%b4%b5

കൊഹിമ: നാഗാലാന്റ് സ്വദേശികള്‍ താമസിക്കുന്ന ഭാഗങ്ങളില്‍ സംരക്ഷണമൊരുക്കുന്നതില്‍ മണിപ്പൂര്‍ സര്‍ക്കാര്‍ പരാജയപ്പെട്ടുവെന്നാരോപിച്ച് അവിടെ നിന്നുള്ള യാത്രാ വാഹനങ്ങള്‍ ഉള്‍പ്പടെയുള്ളവ പൂര്‍ണമായും തടയാന്‍ നാഗാ സ്റ്റുഡന്റ്‌സ് ഫെഡറേഷന്‍ (എന്‍.എസ്.എഫ്) തീരുമാനിച്ചു.
നാഗാലാന്റ് സ്വദേശികള്‍ക്ക് പൂര്‍ണ സംരക്ഷണം നല്‍കുമെന്ന് മണിപ്പൂര്‍ സര്‍ക്കാര്‍ വ്യക്തമാക്കിയിരുന്നെങ്കിലും ജനങ്ങള്‍ ഭീതിയിലാണ് കഴിയുന്നതെന്നാരോപിച്ചാണ് വിദ്യാര്‍ഥികള്‍ വാഹനങ്ങള്‍ തടയാന്‍ തീരുമാനിച്ചത്. നിരപരാധികളായ നിരവധി നാഗാ സ്വദേശികളായ യാത്രക്കാര്‍ മണിപ്പൂരില്‍ ആക്രമിക്കപ്പെടുകയാണെന്നും സംസ്ഥാനത്തുനിന്നുള്ള വാഹനങ്ങള്‍ മണിപ്പൂരില്‍ നശിപ്പിക്കപ്പെടുന്നതായും എന്‍.എസ്.എഫ് ആരോപിച്ചു.
കഴിഞ്ഞ ദിവസങ്ങളില്‍ മണിപ്പൂരില്‍ നിരവധി നാഗാ സ്വദേശികളുടെ വാഹനങ്ങളാണ് അഗ്നിക്കിരയാക്കപ്പെട്ടതെന്ന് എന്‍.എസ്.എഫ് പ്രസിഡന്റ് സുബേന്‍ തുങ് കിത്താന്‍ ആരോപിച്ചു.



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."