ആലക്കോട്: രയറോം മൂലോത്തുംകുന്ന് കവലയില്‍ ആള്‍താമസമില്ലാത്ത വിടിനു തീപിടിച്ചു. കാരിക്കല്‍ ജോയിയുടെ ഉടമസ്ഥതയിലുള്ള വീടാണ് ഇന്നലെ വൈകുന്നേരം അഞ്ചോടെ കത്തിനശിച്ചത്. റബര്‍ ഷീറ്റ് ഉണക്കുന്ന പുകപുരയില്‍ നിന്നാണ് തീ പടര്‍ന്നത്. രണ്ട് ക്വിന്റല്‍ ഷിറ്റും ഫര്‍ണിച്ചറുകളും വീട്ടുപകരണങ്ങളും പൂര്‍ണമായി കത്തിനശിച്ചു. തോട്ടത്തില്‍ ജോലി ചെയ്യുന്ന തൊഴിലാളികളാണ് തീ പടരുന്നത് ആദ്യം കണ്ടത്. തുടര്‍ന്ന് നാട്ടുകാരെത്തി തീയണയ്ക്കുകയായിരുന്നു.