മുക്കം: നാലാമത് ചാലിയാര്‍ ജലോത്സവം നാളെ ചെറുവാടി കടവില്‍ നടക്കും. കോഴിക്കോട്, മലപ്പുറം ജില്ലകളില്‍ നിന്നായി ഇരുപത്തഞ്ചോളം ടീമുകള്‍ പങ്കെടുക്കുമെന്ന് സംഘാടകരായ ചെറുവാടി  ജനകീയ കൂട്ടായ്മ പ്രവര്‍ത്തകര്‍ വാര്‍ത്താസമ്മേളനത്തില്‍ അറിയിച്ചു. ജലോത്സത്തിന്റെ ഭാഗമായി ഓഫ് റോഡ് റെയ്‌സ്, ബൈക്ക് സ്റ്റണ്ടിങ്, ഗാനമേള തുടങ്ങിയ പരിപാടികള്‍ നടക്കും.
എം.ഐ ഷാനവാസ് എം.പി, എം.എല്‍.എമാരായ ജോര്‍ജ് എം. തോമസ്, പി.ടി.എ റഹീം, ടി.വി ഇബ്രാഹിം, പി.കെ ബഷീര്‍, പി.വി അന്‍വര്‍, തുടങ്ങിയവര്‍ സംബന്ധിക്കും. വൃക്കരോഗിയായ ചെറുവാടി കോലോത്തുംതൊടിക ബഷീറിന്റെ വീട് നിര്‍മാണത്തിനാവശ്യമായ തുക കണ്ടെത്തുകയാണ് ലക്ഷ്യമെന്നു സംഘാടകര്‍ പറഞ്ഞു. പി. ഷറഫലി, എന്‍. ജമാല്‍, മഹ്‌റൂഫ്, ഗുലാം ഹുസൈന്‍ പങ്കെടുത്തു.