കൊടുവായൂര്‍: നിരോധിത മത്സ്യമായ ആഫ്രിക്കന്‍മുഷു വളര്‍ത്തല്‍ കൊടുവായൂരിലും പട്ടഞ്ചേരിയിലും സജീവമാകുന്നു. നാടന്‍ മത്സ്യങ്ങളുടെ വളര്‍ത്തലെന്നപേരിലാണ് ഇതാരംഭിച്ചതെങ്കിലും ഇറച്ചി മാലിന്യങ്ങള്‍ വ്യാപകമായ തോതില്‍ അഫ്രിക്കന്‍മുഷു വളര്‍ത്തുന്ന കുളങ്ങളിലും പാടങ്ങളിലും നിക്ഷേപിക്കുന്നതിനാല്‍ ദുര്‍ഗന്ധം വമിക്കുന്നുമുണ്ട്.പട്ടഞ്ചേരിയില്‍ മുതലമട, കൊല്ലങ്കോട് പഞ്ചായത്തിനോട് അടുത്തും. കൊടുവായൂരില്‍ കണ്ണാടി പഞ്ചായത്തിനോട് ചേര്‍ന്നുമുള്ള പ്രദേശങ്ങളിലാണ് ആഫ്രിക്കന്‍മുഷു വളര്‍ത്തുന്നത്. നാട്ടുകാര്‍ കൃഷിവകുപ്പിനും ആരോഗ്യവകുപ്പിനും പരാതി നല്‍കിയെങ്കിലും നടപടിയുണ്ടായിട്ടില്ല. രോഗങ്ങള്‍ക്ക്കാരണമാകുന്ന ആഫ്രിക്കന്‍മുഷു വളര്‍ത്തലിനെതിരേ പഞ്ചായത്തുകളും ആരോഗ്യവകുപ്പും ഇടപെടണമെന്നാണ് നാട്ടുകാരുടെ ആവശ്യം