മലയിന്‍കീഴ്: ഡയാലിസിസ് മുടങ്ങിയതിനെത്തുടര്‍ന്ന് മരിച്ച വിളപ്പില്‍ശാല ചൊവള്ളൂര്‍ കുറ്റിയറത്തല വീട്ടില്‍ കൃഷ്ണന്‍കുട്ടി (52)യുടെ കുടുംബത്തിന് ഒടുവില്‍ സര്‍ക്കാര്‍ സഹായം.
അഞ്ചു ലക്ഷം രൂപയുടെ ചെക്ക് ഐ.ബി. സതീഷ് എം.എല്‍. എ കുടുംബത്തിന് കൈമാറി. ഈ കഴിഞ്ഞ ജൂലൈ രïിനാണ് കൃഷ്ണന്‍കുട്ടി മരിച്ചത്.
ജനറല്‍ ആശുപത്രിയില്‍ സൗജന്യ നിരക്കില്‍ ഡയാലിസിസ് ചെയ്തു വന്ന കൃഷ്ണന്‍കുട്ടി ജൂലൈ രïിനു രാവിലെ ഡയാലിസിസിന് എത്തിയപ്പോള്‍ ഡയാലിസിസ് മെഷീന്‍ തകരാറിലാണെന്ന വിവരമാണ് ലഭിച്ചത്. അടുത്ത ദിവസം എത്താന്‍ ആശുപത്രി അധികൃതര്‍ പറഞ്ഞുവെങ്കിലും അന്ന് രാത്രി മരിച്ചു.
തീര്‍ത്തും ദുരിതാവസ്ഥയിലായിരുന്ന കൃഷ്ണന്‍കുട്ടിയുടെ കുടുംബത്തെ കുറിച്ച് സുപ്രഭാതം വാര്‍ത്ത നല്‍കിയിരുന്നു. തുടര്‍ന്നാണ് സഹായ പ്രഖ്യാപനത്തിനാവശ്യമായ നീക്കങ്ങള്‍ നടന്നത്.