കോട്ടയം: ബൈക്കപകടത്തില്‍ മരിച്ച യുവാവിന്റെ സംസ്‌കാരം നടത്തി. എസ.്എച്ച് മൗണ്ട് ചെറുകുന്ന് ചെങ്ങളക്കാട്ട് ബെഞ്ചമിന്റെ (ബേബി) മകന്‍ എബിന്‍ ബഞ്ചമിന്‍ (എപ്പി -24)ആണ് മരിച്ചത്. ഞായറാഴ്ച രാത്രി എട്ടരയോടെ കോടിമത പള്ളിപ്പുറത്തുകാവ് ജംഗ്ഷനിലായിരുന്നു അപകടം. കല്യാണ വീട്ടില്‍ സഹോദരനെ കൊണ്ടാക്കിയശേഷം മാതാവിനെ കൂട്ടികൊണ്ടുപോകാന്‍ വരവേ മറ്റൊരു ബൈക്കുമായി കൂട്ടിയിടിച്ചാണ് അപകടം സംഭവിച്ചത്. മാതാവിന്റെ വെള്ളൂത്തുരുത്തിയിലെ ബന്ധുവീട്ടിലെ കല്യാണ ചടങ്ങുകള്‍ക്കായി സഹോദരന്‍ ബിബിനെ കൊണ്ടാക്കിയശേഷം മടങ്ങുകയായിരുന്നു എബിന്‍. എതിര്‍ദിശയില്‍നിന്നെത്തിയ പള്ളം സ്വദേശി സഞ്ചരിച്ചിരുന്ന ബൈക്കുമായാണു കൂട്ടിയിടിച്ചത്.  ഇടിയുടെ ആഘാതത്തില്‍ എബിന്‍ റോഡിലേയ്ക്കു തലയിടിച്ച് വീഴുകയായിരുന്നു.