മേപ്പാടി: നിയന്ത്രണം വിട്ട ലോറി രണ്ടു വാഹനങ്ങളില്‍ ഇടിച്ചു. ഇന്നലെ മേപ്പാടി-മൂപ്പൈനാട് വളവിലാണ് അപകടം. കണ്ണൂര്‍ ഇരിട്ടിയില്‍ നിന്നും ചെങ്കല്ല് കയറ്റി വന്ന ലോറിയാണ് അപകടത്തില്‍ പെട്ടത്.
ചെങ്കല്ല് കയറ്റിയ രണ്ട് ലോറികള്‍ വടുവഞ്ചാലിലേക്ക് പോവുകയായിരുന്നു. സ്വകാര്യ ബസ് ആളെ കയറ്റാനായി ലക്കിഹില്‍ ജഗ്ഷനില്‍ നിര്‍ത്തിയതോടെ ബസിന്റെ പിറകിലുണ്ടായിരുന്ന ലോറി നിയന്ത്രണം വിട്ട് ബസിലും മറ്റൊരു ലോറിയിലും കൂട്ടിയിടിക്കുകയായിരുന്നു. അപകടത്തില്‍ ആര്‍ക്കും പരുക്കില്ല. അപകടത്തില്‍ ലോറിയുടെ മുന്‍ഭാഗം പൂര്‍ണമായും തകര്‍ന്നു. രണ്ട് ലോറികളിലും അമിതലോഡ് കയറ്റിയതായാണ് പരാതി. ഭാരകൂടുതല്‍ കാരണം ഡ്രൈവര്‍ക്ക് വാഹനം നിയന്ത്രിച്ച് നിര്‍ത്താനായില്ല.