കല്‍പ്പറ്റ: സംസ്ഥാന സാക്ഷരതാ മിഷന്‍ നടത്തുന്ന ഏഴാം തരം തുല്യതാ കോഴ്‌സിന്റെ പതിനൊന്നാം ബാച്ചിലേക്കുള്ള രജിസ്‌ട്രേഷന്‍ ആരംഭിച്ചു. നാലാം തരം തുല്യതയോ ഔപചാരിക നാലാം ക്ലാസോ വിജയിച്ചിരിക്കണം. ഔപചാരിക തലത്തില്‍ 5, 6, 7 ക്ലാസുകളില്‍ പഠനം മുടങ്ങിയവര്‍ക്കും രജിസ്റ്റര്‍ ചെയ്യാം. 2016 ഡിസംബര്‍ ഒന്നിന് 15 വയസ് പൂര്‍ത്തിയായിരിക്കണം. വിദ്യാഭ്യാസ യോഗ്യത തെളിയിക്കുന്ന സര്‍ട്ടിഫിക്കറ്റ് സഹിതം അപേക്ഷിക്കണം. പട്ടിക ജാതി, പട്ടിക വര്‍ശ വിഭാഗത്തിലുള്ളവര്‍ ജാതി തെളിയിക്കുന്ന സര്‍ട്ടിഫിക്കറ്റിന്റെ സാക്ഷ്യപ്പെടുത്തിയ പകര്‍പ്പും നല്‍കണം. കോഴ്‌സ് എട്ട് മാസമാണ്. അപേക്ഷാ ഫോം സാക്ഷരതാ മിഷന്‍ ജില്ലാ ഓഫിസില്‍ നിന്നും വികസനതുടര്‍ വിദ്യാകേന്ദ്രങ്ങളില്‍ നിന്നും ലഭിക്കും. അവസാന തിയതി ജനുവരി 15. വിവരങ്ങള്‍ക്ക്: 04936 202091.