നെന്മാറ: പുള്ളിപുലിയുടെ തോലുമായി ഒരാളെ വനവകുപ്പ് ഫ്‌ലയിങ് സ്‌കാഡ് അറസ്റ്റ് ചെയ്തു. എരിമയൂരില്‍ നിന്നാണ് പ്രതിയെ പിടികൂടിയത്. തമിഴ്‌നാട് നാഥാപുരം ദിണ്ടിക്കല്‍ കൊവില്‍ സ്ട്രീറ്റ് എസ്.ഡി. സുരേന്ദ്രന്‍ (36) നെയാണ് അറസ്റ്റുചെയ്തത്. അധോലോക മാര്‍ക്കറ്റില്‍ നാലു ലക്ഷം വരുമെന്ന് വനപാലകര്‍ പറഞ്ഞു.
പാലക്കാട് ഫ്‌ളയിങ് സ്‌കോഡ് ഡി.എഫ്.ഒ സൈനുലബ്ദീന് ലഭിച്ച വിവരത്തിന്റെ അടിസ്ഥാനത്തില്‍ പാലക്കാട് ഫ്‌ളയിങ് സ്‌ക്വാഡ് റെയ്ഞ്ച് ഓഫിസര്‍ എം. യുസഫ്, നെല്ലിയാമ്പതി ഫ്‌ളയിങ് സ്‌ക്വാഡ് ഡെപ്യൂട്ടി റെയ്ഞ്ചര്‍ സി. സുമേഷ്, ഫോറസ്റ്റ്ര്‍ വി. ഉണ്ണികൃഷ്ണന്‍, കെ.വി സുരേന്ദ്രന്‍, വി. വിനീത്, കെ.എഫ് ഫിറോസ് വട്ടത്തൊടി, എന്‍. സജീഷ് ഡ്രൈവര്‍മാരായ കെ.എ മഹേഷ്, എസ് മുരളീധരന്‍ എന്നിവരാണ് പ്രതിയെ അറസ്റ്റ് ചെയ്തത്.