ചെന്നൈ: എ.എം.എ.ഡി.എം.കെയില്‍ നിന്ന് പുറത്താക്കപ്പെട്ട ശശികല പുഷ്പയുടെ ഭര്‍ത്താവ് അഡ്വ. ലിംഗേശ്വര തിലകനെ പൊലിസ് അറസ്റ്റ് ചെയ്തു.

പാര്‍ട്ടി ജനറല്‍ കൗണ്‍സിലില്‍ പങ്കെടുക്കാനും ജനറല്‍ സെക്രട്ടറി സ്ഥാനത്തേക്ക് മത്സരിക്കാനും അനുവദിക്കണമെന്ന് ആവശ്യപെട്ട് ഇന്നലെ പാര്‍ട്ടി ആസ്ഥാനത്ത് എത്തിയ തിലകനെ പാര്‍ട്ടി പ്രവര്‍ത്തകര്‍ മര്‍ദിച്ചിരുന്നു. ഇതിന് പിന്നാലെയാണ് ഇന്ന് പൊലിസ് അറസ്റ്റ്‌ചെയ്തത്.

ശശികലയെ പാര്‍ട്ടി ജനറല്‍ സെക്രട്ടറിയായി തെരഞ്ഞെടുത്ത പാര്‍ട്ടി കൗണ്‍സിലിന് മുമ്പായാണ് തിലകനെ പൊലിസ് അറസ്റ്റ് ചെയ്തത്.

അഴിമതിക്കേസില്‍ അറസ്റ്റിലായ ജയലളിതയുടെ തോഴി ശശികലക്ക് പാര്‍ട്ടി സെക്രട്ടറി സ്ഥാനത്തേക്ക് മത്സരിക്കാനുള്ള യോഗ്യതയില്ലെന്നാണ് ശശികല പുഷ്പരാജ് പറയുന്നത്.

നിലവില്‍ രാജ്യസഭാംഗമാണ് ശശികല പുഷ്പരാജ്.