ഡെറാഡൂണ്‍: അഭ്യൂഹങ്ങള്‍ക്കു വിരാമമിട്ട് ഇന്ത്യന്‍ ക്രിക്കറ്റ് താരം വിരാട് കോഹ്‌ലിയും ബോളിവുഡ് സുന്ദരി അനുഷ്‌ക ശര്‍മയും വിവാഹിതരാകാന്‍ ഒരുങ്ങുന്നതായി റിപ്പോര്‍ട്ടുകള്‍. വിവാഹ നിശ്ചയം പുതുവത്സര ദിനത്തില്‍ ഉത്തരാഖണ്ഡിലെ നരേന്ദ്ര നഗറിലുള്ള ഹോട്ടല്‍ ആനന്ദയില്‍ നടക്കുമെന്നും റിപ്പോര്‍ട്ടുകളില്‍ പറയുന്നു.
അവധി ആഘോഷിക്കാന്‍ ഇരുവരും നിലവില്‍ ഉത്തരാഖണ്ഡില്‍ എത്തിയിട്ടുണ്ട്. ഉത്തരാഖണ്ഡിലുള്ള ചിത്രങ്ങള്‍ ഇന്‍സ്റ്റാഗ്രാമില്‍ ഇരുവരും പങ്കുവച്ചിരുന്നു.
അമിതാഭ് ബച്ചന്‍, അംബാനി സഹോദരന്‍മാരടക്കമുള്ള പ്രമുഖര്‍ വിവാഹ നിശ്ചയ ചടങ്ങില്‍ പങ്കെടുക്കുമെന്നും വാര്‍ത്തകളുണ്ട്.
അതേസമയം റിപ്പോര്‍ട്ടുകള്‍ സംബന്ധിച്ച് ഇരുവരും പ്രതികരിച്ചിട്ടില്ല.