മാനന്തവാടി: എസ്.കെ.എസ്.എസ്.എഫ് സംസ്ഥാന നേതൃത്വത്തിന്റെ കീഴിയില്‍ ജില്ലയില്‍ നടക്കുന്ന ലീഡേഴ്‌സ് കാരവന്‍ യൂനിറ്റുകളെ സജീവമാക്കി പ്രയാണം തുടരുന്നു. ചൊവ്വാഴ്ച പൊഴുതനയില്‍ നിന്നാരംഭിച്ച ലീഡേഴ്‌സ് കാരവന്‍ പതിനഞ്ച് ക്ലസ്റ്റര്‍ പര്യടനം പൂര്‍ത്തിയാക്കി.
കാട്ടികുളം ക്ലസ്റ്റര്‍ അദാലത്ത് വ്യാപാരി വ്യവസായി ഏകോപന സമിതി പ്രസിഡന്റ് അഷ്‌റഫ് ഉദ്ഘാടനം ചെയ്തു. ക്ലസ്റ്റര്‍ പ്രസിഡന്റ് മൊയ്തൂട്ടി ദാരിമി, സംസ്ഥാന പ്രതിനിധി കെ.എന്‍.എസ് മൗലവി സംസാരിച്ചു. പള്ളിക്കല്‍ ക്ലസ്റ്റര്‍ അദാലത്ത് മാനന്തവാടി മദ്‌റസയില്‍ നടന്നു. മൊയ്തുട്ടി യമാനി മദീനാ പാഷന്‍ പദ്ധതി വിശദീകരിച്ചു.
കണിയാമ്പറ്റ ക്ലസ്റ്റര്‍ അദാലത്ത് കണിയാമ്പറ്റ മുല്ല ഹാജി മദ്‌റസയില്‍ ജില്ലാ പ്രസിഡന്റ് ഷൗകത്തലി വെള്ളമുണ്ട ഉദ്ഘാടനം ചെയ്തു. ജില്ലാ സെക്രട്ടറി അയ്യൂബ് മാസ്റ്റര്‍ മുട്ടില്‍ കര്‍മ പദ്ധതി വിശദീകരിച്ചു. അബ്ദുല്‍ ലത്തീഫ് വാഫി കര്‍മനിധി ഫണ്ട് സ്വീകരിച്ചു. കബ്ലക്കാട് ക്ലസ്റ്റര്‍ അദാലത്ത് കെ.എ നാസര്‍ മൗലവി ഉദ്ഘാടനം ചെയ്തു.
മുട്ടില്‍ ക്ലസ്റ്റര്‍ അദാലത്ത് കല്‍പ്പറ്റ മേഖലാ പ്രസിഡന്റ് നൗഷീര്‍ വാഫി ഉദ്ഘാടനം ചെയ്തു. സാജിദ് മൗലവി മദീനാ പാഷന്‍ വിശദീകരിച്ചു. അജ്മല്‍ പൊഴുതന, അബ്ബാസ് പടിഞ്ഞാറത്തറ, ജലീല്‍ വൈത്തിരി, നാസര്‍ മങ്ങാട്, റഊഫ് മാസ്റ്റര്‍ മൂട്ടില്‍ എന്നിവര്‍ വിവിധ ക്ലസ്റ്റര്‍ അദാലത്തുകള്‍ക്ക് നേതൃത്വം നല്‍കി.