അങ്ങാടിപ്പുറം: ടൗണിലെ ഗതാഗതക്കുരുക്കില്‍ സഹികെട്ട് അങ്ങാടിപ്പുറം തളി ജങ്ഷനിലെ ഒട്ടോ ടാക്‌സി ഡ്രൈവര്‍മാരും നിരത്തിലിറങ്ങി. മംഗലാപുരത്തു നിന്നു പാലക്കാടിലേക്ക് പോകുന്ന ഗ്യാസ് ടാങ്കര്‍ ലോറി അങ്ങാടിപ്പുറം മേല്‍പാലത്തില്‍ എത്തിയതോടൈ ബ്രേക്ഡൗണായതിനെ തുടര്‍ന്ന് അങ്ങാടിപ്പുറം ടൗണ്‍ ഗതാഗതക്കുരുക്കില്‍പ്പെടുകയായിരുന്നു.
സാധാരണ ഗതിയില്‍ പെരിന്തല്‍മണ്ണ ഭാഗത്തു നിന്നുള്ള വാഹനങ്ങളാണ് ഗതാഗതക്കുരുക്കില്‍പ്പെടാറുള്ളെങ്കിലും ഇന്നലെ രാവിലെ 8.30 മുതല്‍ ഇരു വശങ്ങളും വാഹനങ്ങളാല്‍ നിറഞ്ഞുനിന്നു. കോഴിക്കോട് റോഡില്‍ തളി ജങ്ഷനും കടന്ന് കനറാബാങ്കിനു സമീപത്ത് വരെ വാഹനങ്ങള്‍ നിറഞ്ഞ നിന്നപ്പോള്‍ പതിവുപോലെ പെരിന്തല്‍മണ്ണ ഭാഗം ജൂബിലി റോഡരികിലുമെത്തി. തളി ജങ്ഷനില്‍ ട്രാഫിക് നിയന്ത്രിക്കാന്‍ ആളില്ലാതെയായതോടെ ഓട്ടോ ഡ്രൈവര്‍മാര്‍ നിരത്തിലിറങ്ങിയാണ് ഗതാഗതം നിയന്ത്രിച്ചത്.