കൊച്ചി: എംപ്ലോയീസ് പ്രോവിഡന്‍ ഫണ്ട് ഓര്‍ഗനൈസേഷന്റെ (ഇ.പി.എഫ്.ഒ) ആഭിമുഖ്യത്തില്‍ പെന്‍ഷന്‍കാര്‍ക്കായി ജനുവരി 9,10,11 തിയതികളില്‍ രാവിലെ 10 മണി മുതല്‍ കൊച്ചിയിലെ ഇ.പി.എഫ് ഓഫിസില്‍ ജീവന്‍ പ്രമാണ്‍ ക്യാംപ് സംഘടിപ്പിക്കും. ഇതുവരെ ജീവന്‍ പ്രമാണ്‍ ഡിജിറ്റല്‍ ലൈഫ് സര്‍ട്ടിഫിക്കറ്റ് സമര്‍പ്പിക്കാത്ത പെന്‍ഷന്‍കാര്‍ക്ക് ആധാര്‍ കാര്‍ഡ്, ബാങ്ക് പാസ് ബുക്ക്, പെന്‍ഷന്‍ പേയ്‌മെന്റ് ഓര്‍ഡര്‍ എന്നിവ സഹിതം ക്യാംപിലെത്തി സമര്‍പ്പിക്കാം.
എല്ലാ പെന്‍ഷന്‍കാരും 2017 ജനുവരി 15നകം ഇത് സമര്‍പ്പിക്കേണ്ടതാണ്. കേന്ദ്ര ഗവണ്‍മെന്റിന്റെ നിര്‍ദേശ പ്രകാരം 2017 ജനുവരി മുതല്‍ പെന്‍ഷന്‍ ലഭിക്കുന്നതിന് ഡിജിറ്റല്‍ ലൈഫ് സര്‍ട്ടിഫിക്കറ്റ് നിര്‍ബന്ധമായും സമര്‍പ്പിക്കണം.