ജബല്‍പ്പൂര്‍: കോണ്‍ഗ്രസ് നേതാവ് രാജു മിശ്രയടക്കം രണ്ടു പേര്‍ അജ്ഞാതന്റെ വെടിയേറ്റ് മരിച്ചു. മധ്യപ്രദേശിലെ ജബല്‍പ്പൂരില്‍ വച്ചാണ് വെടിയേറ്റത്. കുക്കു പഞ്ചാബി എന്നയാളാണ് മരണപ്പെട്ട മറ്റൊരാള്‍ . ഇന്നലെ രാത്രി 10 മണിയോടെയാണ് സംഭവം.

ആറോളം ബൈക്കുകളിലെത്തിയ അജ്ഞാതസംഘമാണ് ഇരുവരെയും വെടിവച്ചത്. ഇരുവര്‍ക്കു നേരെയും നിരവധി റൗണ്ട് വെടിയുതിര്‍ത്തതായി റിപ്പോര്‍ട്ടുണ്ട്. ഇരുവരും ഒരു ഷോപ്പിനു മുമ്പില്‍ നിന്ന് സംസാരിക്കുമ്പോഴാണ് വെടിയേറ്റത്. ഉടന്‍ തന്നെ ആശുപത്രിയില്‍ എത്തിച്ചെങ്കിലും രണ്ടു പേരെയും രക്ഷിക്കാനായില്ല.